Tormentas (Im)Perfectas

FAQak

• Zer da T(Im)P eta zertarako balio du?

  Tresna hau gaur egungo bi indar eraginkorrenen -jasangarritasuna eta digitalizazioa- bat egitearen inguruan hitz egiteko eta esperimentatzeko espazio gisa diseinatuta dago. Diseinuaren begiradaren bidez, inspiratzailea, eraldatzailea, eragingarria eta mugiaraziko gaituen ikuspegi komuna lortzeko balio du.

• Nola erabili T(Im)P?

  Tresna modu presentzialean zein birtualean erabil daiteke, baita formatu mistoan ere. Gogoeta taldeko pertsonak ingurune fisiko nahiz digital berean egon daitezke. Batzuk areto batean egon daitezke, beste batzuk bideo dei bidez konektatzen diren bitartean. Garrantzitsua da pantaila komun bat partekatzea joku taula ikusteko.

• Zer erabilera izan ditzake?
  • Eraldaketa prozesuak hastea edo bultzatzea, etorkizunera bideratutako eta inspiratutako hausnarketa estrategikoarekin. Horretarako, hainbat saiotan, tresna osoa landu daiteke gure taldearekin, gure erakundeko arloekin edo gure ekosistemako beste erakunde batzuekin.
  • Lan saio baten hasieran izotza hausteko, inplikatutako pertsona guztien motibazioa eta parte hartze aktiboa bultzatuz.
  • Gogoeta estrategikoko saioei edo talde mistoen edo hibridoen arteko elkargune saioei laguntzeko.

  Eta, jakina, gure burua eraldatzen eta ziurgabetasuna helburu argi batekin nabigatzen lagunduko digun beste edozein aplikazio sortzaile eta berritzailerentzat. Dagoen denboraren arabera, gogoeta ziklo oso bat osa daiteke, beste une batean jarrai daiteke edo gogoeta espres bat egin daiteke.

• Nola ekin gogoetari?

  Galdera inspiratzaile batzuek gogoetarako aukera berriak esploratzera gonbidatzen gaituzte. Gainera, galdera bakoitzaren atzealdean gogoeta aktibatzeko edo bultzatzeko pista bat dago.

• Banakako hausnarketarako erabil daiteke?

  Talde gogoetarako pentsatuta dago tresna, ekipoei zuzendutako galdera eta dinamikekin. Egin daiteke:

  • Talde elkarrizketa informal bat zuzenean hasi.
  • Banakako gogoeta labur batekin hasi, taldeari elkarrizketa zabaldu aurretik.
  • Bikoteka edo azpitaldeetan lan eginez, ondoren sortutako gogoetak partekatzeko.

  Hala ere, gogoeta indibidualerako ere erabil daiteke, pertsona bakoitzari bere ideiak modu pertsonalean esploratzeko eta garatzeko aukera emanez.

• Zenbat denbora behar da galdera-karta bakoitzerako?

  Hainbat faktoreren araberakoa da, hala nola hausnarketa taldeko parte hartzaileen kopurua, ariketaren helburua (brainstorming azkarra edo hausnarketa estrategiko sakona), edo partaidetza dinamika (talde elkarrizketa informala edo azpitaldeetako aldez aurreko gogoeta). Hala ere, gomendagarria da erritmo dinamikoari eustea eta elkarrizketak ez luzatzea edo gelditzea. Tenporizadore bat erabiltzeak denbora modu eraginkorrean kudeatzen lagun dezake.

• Zer egin gogoeta gelditzen bada?

  Galdera karten atzealdean dauden pistez gain, gertaera meteorologikoak ere aktiba daitezke:

  1. 
     "Haizetea" aktibatzean, tresnak Esparru-Palanka ausazko konbinazio bat proposatzen du gogoeta berri bati ekiteko.
  2. 
     "Euria" aktibatzean, tresnak indargarri positiboak bidaltzen ditu, gogoetari dinamismoa eta arintasuna ematen diotenak.
  3. 
     "Tximista" aktibatzean, tresnak gogoeta zehaztera eta lurreratzera gonbidatzen gaitu.

• Beharrezkoa al da berariazko ordena bati jarraitzea erreminta erabiltzean?

  Ez, inola ere ez. Lortu nahi denaren arabera: inspirazio txinpartak, taldearekin konektatzeko une bat, edo gogoeta eraikiago bat. Arreta gehien pizten edo inspiratzen duten galderak azter daitezke, edo esparru jakin bat esploratzea erabaki daiteke, edo palanka jakin batek gida gaitzala erabaki genezake.

• Nola atera etekinik handiena tresnari?

  Komeni da gogoetetatik sortutako ideiak, ekintzak, estrategiak eta gakoak taldeak parteka dezakeen dokumentu batean idaztea. Era berean, inspiratzaileenak izan diren galderak edo aipuak gorde daitezke.

  Eta, jakina, ez da ahaztu behar giro inspiratzailea, irekia eta abegikorra bultzatzea, parte hartzaile guztiak eroso senti daitezen taldean partekatuz eta hausnartuz.

• Gogoetak osatu ondoren zer egin?

  Saioak amaitu ondoren, gomendatzen da pertsona batek edo azpitalde batek bere gain hartzea emaitzen kontzeptualizazioaren eta komunikazioaren lidergoa, eman beharreko hurrengo urratsak asmatzea eta erakundeko arlo edo pertsona egokienen inplikazioa.

• Eta laguntza behar badugu?

  Diseinuko profesionalek hausnarketa prozesu hau lagundu, inspiratu eta gida dezaten, EIDE Euskal Diseinuaren Elkartearekin harremanetan jartzera gonbidatzen zaituztegu, 944 249 053 telefonora deituz edo info@eidedesign.eus helbidera mezu elektroniko bat bidaliz.